Тамақтану сапасына мониторниг жүргізу сапасы

Тамақтану сапасына мониторинг жүргізу қорытындысы туралы
 АНЫҚТАМА 
                №16 ЖОББМ 28 қазан күні тамақтану сапасына мониторинг жүргізу мақсатында бракераж комиссиясы мектеп асханасына тексеру жүргізді. Тексеру қорытындысы актпен рәсімделіп, комиссия отырысында талқыланды. Тексеру нәтижелері сарапталып, түзету бойынша ұсыныс берілді. Анықталған кемшіліктерді жою үшін 5 жұмыс күні ұсынылды. 
         Тексеру нәтижесінде асханасының тамақтану бөлімінде қол жуатын орындарда арнайы қағаз сүлгілер пайдаланылады. Білім алушыларға арналған қол жуатын 4 орын жұмыс істейді.
                  Ас блогындағы санитарлық жағдай қалыпты, талаптар сақталған. Ас блогының үй-жайын тазалау кестесі ілінген, кестеге сәйкес тазаланған. 
           Қойма, ет цехы, нан цехы бөліктерінде санитарлық талаптар сақталған. Тоңазытқыштарда жабдық мақсаты көрсетілген. Температуралық режим сақталған. Термомертлер бар. Тауар көршілестігін сақтау талаптары бұзылған. Тексеру барысында сүт өнімдері мен көкөністер бір сөреде қатар қойылған. Өнімдерді сақтау режимі ескерілмеген. 
             Пісіру цехында персоналдың қолын жууы үшін арнайы орын қарастырылған. Бір реттік қағаз сүлгілерді пайдаланады. 
Буфеттік баға белгілері қоылмаған, ескертіліп айтылған.
           Персоналдарға арналған тұрмыстық бөлмеде қызметкерлердің жеке заттарын сақтауға арналған арнайы бөлме қарастырылған. Заттары арнайы киім сақтауға арналған шкафтарға ілінген. 
         Мектептің материалдық базасында персоналдарға арналған душ қарастырылмаған.