"Интернетке тәуелділік пен құмар ойындардың алдын алу"

2022 жылдың қазан айының 3 күні №16 жалпы орта білім беретін мектебінде балалар мен жасөспірімдердің интернет-кеңістікте қауіпсіз жүріс-тұрыс ережелеріне үйрету, интернет тәуелділіктің және құмар ойындарға тәуелділіктің алдын алу мақсатында "Интернетке тәуелділік пен құмар ойындардың алдын алу" тақырыбында  директордың құқықтық тәрбие жөніндегі орынбасары А.Пусырова мен мектеп психологы Т.Мухамеджан 7-8 сынып білім алушыларымен дөңгелек үстел өткізді. Іс-шара барысында білім алушыларға құмар ойындарының адам психологиясына кері әсер ететінін, ондай ойындардан аулақ болу керек екені айтылды. Балаларды бос уақыттарын интернетсіз тиімді өткізуге шақырды. Аталған іс-шараға білім алушылар белсенді ат  салысып, өз ойларын еркін жеткізіп, интернеттің кемшіліктері мен артықшылықтары туралы өз пікірлерімен бөлісіп, кері байланыс орнатты.