10–11 сынып оқушыларының қатысуымен Меркі ауданы шекара басқармасының қызметкерлері Майор Тимуров Даулет және сержант Кубиенов Нурсултандар мен кездесу өтті.

Ел шебін қорғайтын ерлермен кездесу  
Отан – қасиетті ұғым. Ал сол Отанның тыныштығын, шекараның қауіпсіздігін күзетіп жүрген шекарашылар – нағыз ерлік иелері. Осыған орай № 16 жалпы орта білім беретін  мектебінде 10–11 сынып оқушыларының қатысуымен Меркі ауданы шекара басқармасының  қызметкерлері Майор Тимуров Даулет және сержант Кубиенов Нурсултандар мен кездесу өтті.
Кездесудің мақсаты – оқушыларға шекара қызметі туралы түсінік беру, әскери-патриоттық тәрбие беру және болашақ мамандықты дұрыс таңдауға бағыттау.
Шекарашы қонақтар өздерінің күнделікті қызметі, ел шебін қорғаудағы жауапкершілік пен қиындықтар туралы әсерлі әңгіме өрбітті. Әсіресе жастар арасында тәртіп, ерлік, сабырлылық, Отанға адал болу сынды қасиеттердің маңызына ерекше тоқталды.
Оқушылар түрлі сұрақтар қойып, шекарашы болу жолдары, әскери білім алу, оқу орындары мен талаптар туралы мол ақпарат алды. 
Бұл кездесу оқушылардың бойында Отанға деген сүйіспеншілікті арттырып, шекара қызметіне деген қызығушылықтарын оятты.

КББП Нуртаева Р