“Жастар және дін: саналы ұстаным” тақырыбында кездесу өткізілді.

2025 жылғы 13 қазанда 16 жалпы орта білім беретін мектебінде “Жастар және дін: саналы ұстаным” тақырыбында кездесу өткізілді. Іс-шараға Жамбыл облысы дін проблемаларын зерттеу орталығының Меркі ауданы бойынша инспекторы Сарсенов Ербол Ғабдуллаұлы және Ақарал ауылдық округінің жастар ісі жөніндегі инспекторы Бектұрғанов Ақтөре Ерғалиұлы қатысты. Кездесудің мақсаты – оқушылардың діни сауаттылығын арттыру, радикалды ағымдардың зиянын түсіндіру және ұлттық құндылықтарға негізделген саналы өмір ұстанымын қалыптастыру болды. Оқушылар мамандармен еркін пікір алмасып, өздерін қызықтырған сұрақтарға жауап алды. Кездесу танымдық әрі тәрбиелік мәнге ие болды.