"КӨКТЕМ АРУЫ-2023"

Бүгін үлкен мереке. Бұл халықаралық әйелдер күні, көктем мерекесі. Наурыз айы – үлкен мерекелер айы. Көктемнің шуақты күндерімен сабақтаса келетін бұл мейрамды тойламайтын халық жоқ. Бәріміз ананың ақ сүтінен нәр алып, өсіп - өніп келеміз. Күллі адамзат абзал да, асыл жандардың алдында бас иетіні сөзссіз. Осы орайда мектебімізде 07.03.2023 жылы ару қыздарымыздың құрметіне "КӨКТЕМ АРУЫ-2023"  байқауы болып өтті. Байқауға бұрымдыларымыз барынша атсалысып, өз өнерлерін ортаға салды. Таныстыру, өз өнерін көрсету, қамыр жаю, мақал-мәтелдердің мағынасын ашу деген секілді кезеңдерден құралған сайысымыз өз кезегінде қыза түсіп, барша қонақтардың көңілін көтерді. Нәтижесінде өзгелерден оза шауып, басқаларды басып озған аруымыз Манапалы Жанерке "КӨКТЕМ АРУЫ-2023"  атағына ие болды. Жанеркені шын жүректен құтықтай отырып, барша нәзік жанды аруларымыз бен ақ жаулықты аналарымызды халықаралық аналар мерекесімен шын жүректен құтықтаймыз!