«Мектепке жол» қайырымдылықтан басталады...

Дәстүрлі жалпы республикалық «Мектепке жол» қайырымдылық акциясы биылғы оқу жылын 2019жылдың 1шілдесінен «Жүректен жүрекке!» атты ұранымен бастады. Қайырымдылық шарасының мақсаты - аз қамтылған, көпбалалы, жетім және ата-анасының қамқорлығынсыз қалған отбасы балаларына жаңа оқу жылына дайындық кезінде көмек пен қолдау көрсету және әлеуметтік себептер бойынша балалардың мектепке бармауының алдын алу болып табылады. Жыл сайынғы өткізіліп жатқан аталған іс-шараға мектебіміздің демеушілері, меценаттар тарапынан көрсетілген көмек пен қолдаудың үлесі зор.
Биыл да қайырымдылық акциясы мектебімізде ұйымдастырылып, әртүрлі санаттағы көмекке мұқтаж отбасыларына демеушілер тарапынан қолдау көрсетіліп жатыр. Атап айтсақ, мектебіміздің меценаттары Таиров Айдар, Абдикемелов Нурлан, Досалиев Талғат, Ракишов Мэлс, Кикинадзе Ахмет, Исламов Берік, Шарипов Эрик сынды азаматтарымыз қамқорлықтары мен ықыластарын көрсетіп, балғын балаларымызды қуанышқа бөлеп, мектеп формасы, спорттық киім, аяқ-киім, оқу құралдарымен қамтамасыз етуде. Қазақта «жақсының жақсылығын айт, нүры тасысың» демекші, өз қаражаттарымен демеушілік жасап, қолдан келген жәрдемін ұсынған азаматтарымызға ризашылығымызды білдіріп, алғыс айтамыз!
Бұл қайырымдылық акцияның бастауы ғана, алдағы уақытта «Отбасы отбасыға көмек көрсетеді, балаларды мектепке дайындаймыз!», «Ауыл балаларына мектепке сыйлықтар», «Бірінші сынып оқушыларына сыйлық!» атты қайырымдылық іс-шараларына ауыл тұрғындарын, жеке кәсіпкерлер, мектеп меценаттарын белсене ат салысуға шақырамыз.