Ата-аналар жиналысы

Қамқоршылық кеңес мүшелерінің қатысуымен,  мектепшілік жалпы ата-аналар жиналысы өтті. Жиналысты мектеп директоры Г Муратова ашып, күн тәртібіндегі мәселелермен таныстырып өтті. Өз сөзінде ұлттық құндылықтар негізінде  мектептің мәдени  ортасын қалыптастыру, өскелең ұрпаққа рухани  тәрбие беру ,  балаларға қауіпсіз орта құру ,  бала тәрбиесіндегі ата-ананың рөлі туралы айтып өтті.  Директордың құқықтық тәрбие ісі жөніндегі орынбасары А.Пусырова кәмелетке толмаған жасөспірімдер арасындағы құқық бұзушылық пен қылмыстың алдын алу жұмыстары,  жасөспірімнің түнгі беймезгіл уақытта көшеде жүрмеуі, сонымен қатар күндізгі уақытта көңіл көтеретін орындарда сыныптастарымен туған күн тойлауына қатаң тыйым салынатыны, жасөспірімдер арасында электронды темекінің  қауіптілігі мен оның  алдын алу жұмыстары, ауылдық аймақтарға, соның ішінде  мешітке рейдтік іс-шаралар жүргізіліп жатқандығы туралы айтып өтті.Мектеп психологы А.Байназарова тұрмыстық зорлық-зомбылықтың және  жасөспірімдер арасындағы буллинг пен кибербуллингтің алдын алу мәселелері туралы айтып, біраз мәліметтер беріп өтті.