"Бір сәби-бір ағаш"

Қазақта «Бір жылдығын ойлаған халық дән егеді, жүз жылдығын ойлаған халық тал егеді» деген жақсы мақал бар. Ал ағашты келер ұрпақ үшін отырғызу үлкен сауапты істердің бірі. Себебі, ол ағаш келер ұрпақпен бірге көктеп, бірге өсіп, бірге жайқалатын болады.


«Бір сәби – бір ағаш» деп аталған акция өңірде өмірге келген әр сәби үшін тал отырғызуға арналды. Бұл игілікті іске мектептің 1 сынып ата-аналары белсене атсалысты. Ата-аналардың демеушілігімен мектептің алдына 10 шырша талы егілді.


Бүгін егілген талдар ертең мәуелеп өскен үлкен ағашқа айналады. Сәбилердің, жастардың болашағы да баянды, жарқын болсын деген мақсатта қолға алынған іс-шара әлі де жалғасын таба бермек.