«Мемлекеттік рәміздер – ел мәртебесі» тақырыбында семинар ұйымдастырылды.

Мектебіміздің педагогтарымен «Мемлекеттік рәміздер – ел мәртебесі» тақырыбында семинар ұйымдастырылды. Семинардың мақсаты – педагогтердің мемлекеттік рәміздер туралы білімдерін тереңдету, олардың мәні мен маңызын түсіндіру, жас ұрпаққа дұрыс насихаттау жолдарын талқылау. Іс-шара барысында Қазақстан Республикасының Туы, Елтаңбасы және Әнұранының тарихы, авторлары, қабылдану кезеңдері туралы мазмұнды мәліметтер берілді. Сонымен қатар мемлекеттік рәміздерді құрметтеу – әрбір азаматтың міндеті екені атап өтілді. Семинар барысында педагогтер өзара пікір алмасып, оқу-тәрбие процесінде рәміздерді қолданудың тиімді әдіс-тәсілдерімен бөлісті. Практикалық бөлімде тәрбие сағаттары мен сабақтарда қолдануға арналған ұсыныстар ұсынылды. Семинар жоғары деңгейде ұйымдастырылып, педагогтердің кәсіби көзқарасын кеңейтіп, патриоттық тәрбие берудегі рөлін арттырды. Іс-шара мазмұнды әрі тәрбиелік мәні зор болды.