Камзол, қамзол – жеңсіз, жеңіл киім.

Камзол, қамзол – жеңсіз, жеңіл киім. Бір түсті қалың матадан, мақпалдан, жібектен, барқыттан, кейде гүлді мақпалдан, атластан (жас ерекшелігіне қарай) тігіледі. Камзолдың екі өңіріне кесте тігіліп, ою-өрнек салынады, түйме орнына әшекейлі металл, яғни күміс қапсырмалар тағылады. Камзолдың жүн тартылып, аң терісінен қос астарланып тігілетін түрлері де болады. Негізінен, бір түсті қоңыр матадан, ал жастарға ашық түсті, жолақ немесе түрлі түсті матадан тігеді. Етегі, әдетте, кең болып келеді. Камзол алдынан түймеленеді. 
Әз-Наурыз мерекеміздің қарсаңында мектебіміздің ұстаздары қазақи нақышта тігілген камзолдар шеруін бастады. Қызыл, көк, қара, сары, сан алуан түсті камзолдар көздің жауын алардай. Қазақ халқы әрқашан да өзінің киім кию үлгісімен ерекшелене білген. Қазіргі таңда сан түрлі камзолдар тігіліп, жастар мен білім алушылардың да киюге деген қызығушылығын арттырып келе жатқандай.  Әрқашан да қазақилығымызды жоғалтпай, ұлттық нақыштағы киімдерімізді киюді әдетке айналдырсақ нұр үстін нұр болмақ. 
🌹🌸🌷💐Наурыз мерекеміз құтты болсын!