"ҰБТ-ға дайындық және ҰБТ кезіндегі ата-ананың жауапкершілігі, бала денсаулығын сақтау" бойынша түсіндіру, кеңес беру жұмыстарын, білім алушылармен "ҰБТ-ға сеніммен кіреміз" тақырыбында психологиялық тренинг өткізді.

Ұлттық бірыңғай тестілеуге қатысушы мектеп бітірушілерді қолдау мақсатында №16 жалпы орта білім беретін мектебінде ата-аналар жиналысы өтті. 
Мақсаты: ата-аналарға 2021-2022 оқу жылындағы Ұлттық бірыңғай тестілеу процесі туралы ақпараттандыру,  қолдау көрсету. 
Осы мақсатта білім алушылардың ата-аналарына ҰБТ- ға өтініштерді қабылдау және тапсыру мерзімдерінің өзгертілуіне байланысты ақпарат берілді. Мектеп директоры Г. Муратова ата-аналар жиналысының тақырыбы бойынша негізгі мәселерді баяндады. Ең бастысы- ата-аналарға ҰБТ қалай ұйымдастырылатыны, санитарлық талаптардың қатаң сақталуы туралы түсінік берді. Оқу ісі жөніндегі орынбасары А. Баубекова Ұлттық бірыңғай тестілеу - 2022 жылғы өзгерістер мен толықтырулар енгізілуі бойынша әдістемелік ұсынымдармен таныстырды. Ата-аналарға,  мектеп тарапынан мемлекеттік емтиханға дайындық жұмыстары үнемі жүргізілетіні,  кешендік тестілер апта сайын алынып,  қорытындысы шығарылып отыратындығы, таңдау пәндері бойынша тыңғылықты әзірлік үнемі бақылауда болатындығын атап өтті. Сонымен қатар, білім алушыларға тестілеу кезінде тыйым салынған заттарды қолданбаулары туралы ескертіліп білім алушылардың ата-аналарынан қол хат алынды. Мектеп психологі А.Байназарова "ҰБТ-ға дайындық және ҰБТ кезіндегі ата-ананың жауапкершілігі, бала денсаулығын сақтау" бойынша түсіндіру, кеңес беру жұмыстарын, білім алушылармен "ҰБТ-ға сеніммен кіреміз" тақырыбында психологиялық тренинг өткізді.