"Туберкулез-бүкіл әлемге төнген қауіп"-тақырыбында, салауатты өмір салтын құру мақсатында ауданымыздың медбикелерімен арнайы дәріс өткізілді.

Туберкулез–адам организмінің бүкіл ағзаларын зақымдайтын инфекциялық ауру. Клиникалық-анатомиялық зерттеулер нәтижесінде туберкулез әр түрлі жолмен барлық организм топтарын зақымдай алады. Туберкулез – хроникалық ауру, салыстырмалы түрде баяу таралатын латентті инфекция түрі, адам ағзасының бүкіл мүшелерін зақымдайтын созылмалы ауру.

Қазақстанда туберкулез бойынша эпидемиологиялық жағдай тұрақты. Соңғы 10 жылда туберкулезге шалдығу жағдайы 2,4 есеге төмендеген. Қазіргі күнде елімізде туберкулезді ерте анықтау үшін диагностиканың халықаралық стандарттарға сәйкес заманауи әдістері қолданылуда. Барлық облыстық, қалалық және өңірлік туберкулезге қарсы ұйымдардағы бактериологиялық зертханаларда туберкулезді және ауқымды дәрілерге көнбейтін туберкулезді тез диагностикалау (2 сағат ішінде) бойынша алдыңғы қатарлы инновациялық технологиялар енгізілген.  Осы орайда 10.03.2023 жылы  мектебімізде 5-11 сынып білім алушыларымен "Туберкулез-бүкіл әлемге төнген қауіп"-тақырыбында, салауатты өмір салтын құру мақсатында ауданымыздың медбикелерімен арнайы дәріс өткізілді.  Дәріс барысында білім алушыларға арнайы видеороликтер мен ақпараттық бюлетендер таратылды.