Алғыс айту күні

Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.
Алғыс айту күні – күрделі заманды иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн. 
Осы орайда мектебіміздің білім алушылары өздерінің ыстық лебіздерін білдіру мақсатында 16-ші ақпан күні "Ризашылық-мейірімділік бұлағы"-деген ұранмен ұлағатты ұстаздарымызды құтықтап шықты.  Құтықтаудың соңы білім алушылар мен ұстаздардың кездесуіне ұласып, кездесу барысында оқушылар өздерінің жүрек түкпірінде жүрген жылы лебіздерін білдірді!