«Білімді, еңбекқор, елін-жерін сүйген патриот жастар – ұлт болашағы»

2023 жылдың 25 мамыры күні, аудандық мәдениет үйінде аудандық Ардагерлер кеңесінің төрағасы Жылысбаев Байсейіт Сабырұлының бастамалығымен «Білімді, еңбекқор, елін-жерін сүйген патриот жастар – ұлт болашағы» тақырыбында Ардагерлер кеңесінің аудандық бөлімдермен бірлесе атқарған жұмыстарының қорытынды есептік іс-шарасы ұйымдастырылды. 
Осы орайда мектебіміз жүлделі 3-орынға ие болды. Сонымен қатар мектебіміздің ұлағатты ұстазы, физика пәнінің мұғалімі Сауытбек Нұржігіт Сауытбекұлы "Заманауи ұстаз"  номинациясын жеңіп алды. 
Аталған іс-шараға Меркі ауданының әкімі Баубеков Нұрмерген Жорабекұлы, сонымен қатар, ардагер ұстаздар мен мектеп басшылары, ауыл әкімдері шақырылды.
 Қонақтарға сөз кезегі ұсынылып, бала тәрбиесіне көңіл бөлу барысында Ардагерлер кеңесімен бірлескен жұмыстың нәтижелі екендігі айтылды.
 Іс-шара барысында музыкалық бағдарлама да қойылды. Атап айтсақ мектебіміздің оқушылардан құралған оркестірі күйден шашу шашты. 
  Сонымен қатар, жылдық атқарылған еңбектердің нәтижесі бойынша марапаттаулар берілді.