«Ата-анамен және сенімді ересектермен қауіпсіздік мәселелерін қалай ашық талқылауға болады» тақырыбында қауіпсіздік сабағы өткізілді.

07.04.2025ж. күні №16 жалпы орта білім беретін мектебінде 8 сынып білім  алушыларымен «Ата-анамен және сенімді ересектермен қауіпсіздік мәселелерін қалай ашық талқылауға болады» тақырыбында қауіпсіздік сабағы өткізілді. Сабақтың мақсаты – оқушыларға өз қауіпсіздігіне қатысты мәселелерді ашық айтуға үйрету, ата-анамен және сенімді ересектермен дұрыс әрі сенімді қарым-қатынас орнатудың маңызын түсіндіру. 

Сабақ барысында қауіпсіздік мәселелері дегеніміз не (мысалы, қорқыту, қоқан-лоқы, бейтаныс адамдармен қарым-қатынас, ыңғайсыз жағдайлар және т.б.);

Сенімді ересек деген кім және оны қалай анықтауға болады;

Өз сезімдерін ашық айту және көмек сұрау – әлсіздік емес, керісінше батылдық екенін түсіну;

Қиын жағдай туындағанда ата-анаға немесе сенімді ересекке қалай дұрыс жүгіну туралы айтылды. 

Оқушылар түрлі жағдаяттар арқылы рөлдік ойындарға қатысып, пікір алмасып, сұрақтарға жауап берді. Сонымен қатар, нақты өмірлік мысалдар келтіріліп, оқушылармен ашық пікірлесу ұйымдастырылды.