"Көреміз" бағдарламасының "Болар бала" шығарылымы өтті.

 №16 жалпы орта білім беретін мектебінде білім алушылардың жеке тұлғасының бәсекелестік қабілетін, өздерінің қалауына сай белгілі бір еңбек әрекетіне дайындығын, түрлі еңбек жағдайына араласуға деген тәрбиелік ұмтылысын қалыптастырып, алдағы уақытта заман талабына сай дұрыс мамандық таңдауына бағыт-бағдар беру мақсатында "Көреміз" бағдарламасының "Болар бала" шығарылымы өтті. Аталмыш бағдарламаға мектебіміздің әр сыныбынан жиналған талантты жастар, әнге әуес,  ат құлағында еркін ойнайтын, көркем сөзді мәнерлеп оқып жүрген дарынды балалармен олардың аналары студияға қонаққа шақырылды. Балалар өздерінің жеткен жетістіктерімен бөлісіп, өз өнерлерін ортаға салды. Қатысушы көрермендер студия қонақтарына өздерін қызықтырған сұрақтарын қойып, пікір алмасты. Бағдарламаны Ауспекова Алина "Жақсы адамдарым" атты мерекелiк ән шашуымен аяқтады.