№16 ЖОББ мектеп ауласында сенбілік туралы

«Жамбыл облысы әкімдігінің  білім басқармасы Меркі ауданының білім бөлімі» коммуналдық мемлекеттік мекемесінің  16.04.2021 жылғы №414 шығыс хаты негізінде   №16 ЖОББ мектеп ауласында сенбілік  жүргізілді.  Сенбілікке мектеп ұжымы белсенді қатысты.  Мектеп маңындағы ағаш түптерін қопсытып, көк шөптердің бетін тазалап, мектеп ауласын сыпыру жұмыстары атқарылды.
Сенбілік кезінде мектеп ұжымы берілген участок жұмыстарына үлкен жауапкершілікпен қарап, мектебіміздің тазалығына өз үлестерін қосты. Осындай жүйелі жұмыстардың нәтижесінде мектеп ауласы көрікті, әрі таза. Дәстүр бойынша мектеп ауласында өсірілетін ағаштар көшеттері отырғызылып,  сонымен бірге «Түлек аллеясы» жасалынып, топырағы себіліп,  жан-жағына  неше түрлі көп жылдық  гүлдер отырғызылды.